NJOFTIM
Të premten, më 27 shkurt 2009, duke filluar në orën 13:00, në sallën S1 të Fakultetit të Shkencave Teknike të Aplikuara mbahet tubim dhe debat me studentë të Fakultetit të Shkencave Teknike të Aplikuara dhe Fakultetit të Xehetarisë dhe Metalurgjisë në Mitrovicë.
Në tubimin e organizuar nga Rrjeti i Organizatave Shqiptare ku bëjnë pjesë organizata shoqërore nga të gjitha trojet shqiptare, do të diskutohet rreth problemeve dhe sfidave të shqiptarëve gjithandej kufijve që i ndajnë ata, si dhe rreth mundësive të bashkimit organik të tyre. Gjithashtu, do të diskutohet rreth rolit të studentëve shqiptarë në zgjidhjen e çështjes shqiptare.
Në tubim do të flasin: Albin Kurti (Lëvizja VETËVENDOSJE! – Prishtinë), Gentian Sala (Klubi Kombëtar – Tiranë), Leart Kola (Lëvizja MJAFT! – Tiranë), Altin Osmani (Shoqata Çamëria – Tiranë), Arbër Çepani (Rrjeti i Studentëve ASAN – Tranë) etj.
Ju ftojmë që të merrni pjesë.
Po ashtu ftohen te gjithë aktivistët dhe të interesuarit e tjerë që të marrin pjesë në këtë tubim.
Wed Feb 25, 2009 8:08 pm